«Arsenal» klubi «Bavariya» vingeri Maykl Olisega jiddiy qiziqish bildirmoqda. Bu haqda Fichajes nashri xabar berdi.
Manbaga ko‘ra, «to‘pchilar» bosh murabbiyi Mikel Arteta fransiyalik 24 yoshli futbolchini jamoasining hujum chizig‘idagi muhim figuraga aylantirishni rejalashtirgan.
Shuningdek, Olise uchun «Real», «PSJ» va «Liverpul» ham kurash olib bormoqda.
O‘z navbatida, «Bavariya» o‘z yulduzini jamoada olib qolish niyatida. Myunxenliklar Olise bilan amaldagi shartnomani uzaytirish va uning moliyaviy shartlarini sezilarli darajada yaxshilashni rejalashtirmoqda.
Biroq tomonlar yangi shartnoma bo‘yicha kelishuvga erisha olmasa, «Arsenal» 2027 yilning yozida transfer borasida faol harakatlarni boshlashi mumkin.
Olise bu mavsumda barcha turnirlar doirasida 9 ta uchrashuvda maydonga tushib, 8 ta gol va 4 ta golli uzatma muallifi bo‘ldi. Transfermarkt portali uning bozor qiymatini 180 million yevro deb baholamoqda.
