«Benfika» hujumchisi Vangelis Pavlidis faoliyatini boshqa jamoada davom ettirishi mumkin. Bu haqda insayder Ekrem Konur xabar bermoqda.
Manbaga ko‘ra, gretsiyalik 27 yoshli futbolchi xizmatiga «Barselona», «Yuventus», «Milan», «Tottenhem», «Aston Villa», «Fulhem» va «Roma» jamoalari qiziqish bildirmoqda. Ular orasida kataloniyaliklar Pavlidis uchun asosiy da’vogar sifatida ko‘rsatilmoqda.
Futbolchining bozor qiymati 35 million yevroga baholanmoqda. Uning «Benfika» bilan amaldagi shartnomasi 2029 yilning yoziga qadar mo‘ljallangan.
O‘z navbatida, «Benfika» o‘z to‘purari bilan xayrlashishga tayyor bo‘lsa, uning transferidan qariyb 100 mln yevro ishlab olishni istamoqda. Bunday talab futbolchiga da’vogar klublar uchun transfer qiymatini muhim omilga aylantirishi mumkin.
Pavlidis Portugaliya chempionatining bu mavsumida 7 ta uchrashuvda maydonga tushib, 8 ta gol urdi va 2 ta golli uzatmani amalga oshirdi.
