Ispaniyaning «Atletiko Madrid» klubi bosh murabbiyi Diyego Simeone Chempionlar ligasi umumiy bosqichi 2-turi doirasida Angliyaning «Manchester Yunayted» klubi ustidan qozonilgan g‘alaba (2:0) haqida fikrlarini bildirdi.
«O‘yinni juda yaxshi boshladik. Birinchi golga olib kelgan kombinatsiya hayratlanarli edi. Keyinchalik har ikki jamoa ham gol urishi mumkin edi, lekin o‘ylaymanki, umuman olganda, biz ko‘proq imkoniyatlar yaratdik va to‘pni yaxshiroq nazorat qildik.
Nazarimda, biz bu mavsumda avvalgidan ko‘ra ko‘proq gol uryapmiz. Bunday vaziyatda o‘yinlarni o‘z foydangga hal qilish har doim qulayroq bo‘ladi. Ammo biz hali mudofaa harakatlari ustida ishlashimiz kerak. Shunday qilishimiz kerakki, raqiblarimizga darvozamiz oldida keskinlik yaratish imkoniyatini kamroq beraylik», - deya Simeonening so‘zlaridan iqtibos keltiradi UYEFA rasmiy sayti.
Muxlislar bu yangilikni Telegram’da muhokama qilmoqda
Izohlar Telegram’da ochiladi