Испаниянинг «Атлетико Мадрид» клуби бош мураббийи Диего Симеоне Чемпионлар лигаси умумий босқичи 2-тури доирасида Англиянинг «Манчестер Юнайтед» клуби устидан қозонилган ғалаба (2:0) ҳақида фикрларини билдирди.
«Ўйинни жуда яхши бошладик. Биринчи голга олиб келган комбинация ҳайратланарли эди. Кейинчалик ҳар икки жамоа ҳам гол уриши мумкин эди, лекин ўйлайманки, умуман олганда, биз кўпроқ имкониятлар яратдик ва тўпни яхшироқ назорат қилдик.
Назаримда, биз бу мавсумда аввалгидан кўра кўпроқ гол уряпмиз. Бундай вазиятда ўйинларни ўз фойдангга ҳал қилиш ҳар доим қулайроқ бўлади. Аммо биз ҳали мудофаа ҳаракатлари устида ишлашимиз керак. Шундай қилишимиз керакки, рақибларимизга дарвозамиз олдида кескинлик яратиш имкониятини камроқ берайлик», - дея Симеоненинг сўзларидан иқтибос келтиради УЕФА расмий сайти.
Мухлислар бу янгиликни Telegram’да муҳокама қилмоқда
Изоҳлар Telegram’да очилади