«Манчестер Юнайтед» бош мураббийи Майкл Кэррик Лисандро Мартинеснинг клуб раҳбариятига нисбатан билдирган танқидий фикрлари ҳақида гапирди. Аргентиналик ҳимоячи Чемпионлар Лигасида «Атлетико»дан 0:2 ҳисобидаги мағлубиятдан сўнг раҳбарият фаолиятидан норозилигини билдирган эди. Кэррикнинг сўзларини Аmazon Prime келтирмоқда.
«Мартинес нима деганини кўрмадим. Аммо натижа учун курашиб, охир-оқибат ҳафсаласи пир бўлган ҳолда майдонни тарк этадиган бундай баҳслардан кейин ҳиссиётлар устун келиши мумкин. Унинг фикрларини кўрмаганим учун ҳозир бу ҳақда гапиришни тўғри деб ҳисобламайман.
«МЮ» тақдирига барчамиз бефарқ эмасмиз ва ҳар биримиз буни турлича намоён қиламиз. Ҳозир энг муҳими — жипслашиш ва қийинчиликларни биргаликда енгиб ўтиш», — деди Кэррик.
Маълумот учун, «қизил иблислар» 18 октябр куни Англия чемпионати доирасида сафарда «Лидс»га қарши баҳс олиб боради.
Мухлислар бу янгиликни Telegram’да муҳокама қилмоқда
Изоҳлар Telegram’да очилади