«Барселона» вингери Ламин Ямал Чемпионлар Лигаси умумий босқичининг иккинчи турида «Галатасарой» устидан қозонилган 4:1 ҳисобидаги ғалабадан кейин ўз таассуротлари билан ўртоқлашди. Икки голли узатмани амалга оширган испаниялик футболчи баҳснинг энг яхши ўйинчиси деб топилди. Унинг сўзларини Барcа Универсал нашри келтирмоқда.
«Мен доимо гол уришга интиламан. Бу ерда қандай стадион борлигини билардик — бу ўйнаш энг қийин бўлган майдонлардан бири. Кийиниш хонасида уларнинг қандай прессинг қилиши ва трибуналар қанчалик шовқин солишини муҳокама қилдик. Танаффусгача гол урганимиз муҳим бўлди. Агар уларнинг иккинчи голи бекор қилинмаганида, анча қийин бўларди. Ғалабадан жуда хурсандмиз. «Галатасарой» кучли жамоа», — деди Ямал.
Маълумот учун, «Барселона» Истанбулдаги баҳсда 4:1 ҳисобида ғалаба қозонди. Ямал иккита голли узатма билан жамоасининг муваффақиятига катта ҳисса қўшди.
Эслатиб ўтамиз, каталонияликлар Чемпионлар Лигасининг навбатдаги турида «ПСЖ»га қарши майдонга тушади.
