«Манчестер Юнайтед» ҳимоячиси Лисандро Мартинес «Атлетико»га қарши (2:0) баҳсдаги мағлубиятдан кейин жамоанинг аҳволи ҳақида кескин фикр билдирди. Футболчи клуб раҳбариятидан таркибни кучайтириш ва рақобатбардош жамоа тузиш учун кўпроқ ҳаракат кутаётганини таъкидлади.
«Жуда ёмон, шунчаки даҳшатли. Ўзимни тийишимга тўғри келяпти, аммо баъзида буларнинг барчаси клубнинг айни пайтдаги ҳолатини аниқ акс эттиради. Ўтган мавсумда ажойиб ўйнадик ва энди клуб раҳбариятидан кўпроқ нарса кутяпмиз. Рақобатлашиш учун кўпроқ футболчилар керак, чунки бошқа жамоалар ҳам кўплаб янги футболчиларни таркибига қўшмоқда.
Мен катта сармоя киритилишини кутяпман — бунга юз фоиз ишонаман! Техник директоримиздан ҳам кўпроқ ҳаракат кутаман. Ростини айтсам, биз, футболчилар ҳам кўпроқ иш қилишимиз керак. Аммо бундай муҳим баҳсларга тайёр бўлиш учун кучли таркибга ҳам эга бўлиш лозим.
Муаммо мураббийда деб ўйламайман. У қўлидан келган барча ишни қиляпти. Мураббийни қайта-қайта алмаштириш мумкин эмас. Бошқа соҳалар-чи? Бу ҳақда ортиқча гапира олмайман», — деди Мартинес.
Маълумот учун, Мартинес клуб раҳбариятидан таркибни кучайтириш ва жамоанинг рақобатбардошлигини ошириш учун кўпроқ маблағ ажратилишини кутаётганини очиқ билдирди.
Эслатиб ўтамиз, аргентиналик ҳимоячи «Манчестер Юнайтед» сафида 2022 йилдан буён тўп тепиб келмоқда.
Мухлислар бу янгиликни Telegram’да муҳокама қилмоқда
Изоҳлар Telegram’да очилади