«Манчестер Юнайтед» бош мураббийи Майкл Кэррик Мадриднинг «Атлетико» клубини Европанинг энг яхши жамоаларидан бири деб атади. Мутахассис Чемпионлар Лигаси умумий босқичининг иккинчи тури доирасидаги баҳс олдидан рақиб жамоа ва унинг устози Диего Симеоне ҳақида фикр билдирди. Бу ҳақда Manchester Evening News нашри хабар берди.
«Симеоне билан учрашишни кутяпсизми?» деган саволга Керрик қуйидагича жавоб берди:
«Мураббий сифатида уни жуда ҳурмат қиламан. Кучли жамоани шакллантириш учун вақт керак. Симеоненинг клубда шунча вақт давомида ишлаётгани унинг «Атлетико»га таъсирини яққол кўрсатади. Бу жамоа ҳақиқатан ҳам хавфли ва биз учун жиддий синов бўлади.
Бизнинг фикримизча, «Атлетико» Европадаги ҳеч бир жамоадан кам эмас ва қитъанинг энг яхши клублари қаторидан муносиб ўрин олган», — деди Кэррик.
Маълумот учун, «Атлетико» ва «Манчестер Юнайтед» Чемпионлар Лигаси умумий босқичининг иккинчи тури доирасида Мадридда ўзаро баҳс олиб боради.
Эслатиб ўтамиз, беллашув 13 октябр куни «Метрополитано» стадионида Тошкент вақти билан 00:00 да бошланади.
