«Манчестер Юнайтед» собиқ дарвозабони Петер Шмейхел «Манчестер Сити»га нисбатан жазо чораларини таклиф қилди.
«Уларни АПЛдан чиқариб юбориш керак эмас. Бироқ кейинги беш мавсум давомида ҳар бир мавсум бошланишидан олдин улардан 25 очкодан олиб ташлаш лозим. Бу бошқа жамоалар учун ҳам яхшигина сабоқ бўлади.
Агар қоидаларни айланиб ўтишга уринсанг, жиддий жазоланишинг керак. Бундан ташқари, «Манчестер Сити»га катта миқдорда жарима солиш ва кейинги беш йил давомида трансферларни тақиқлаш зарур», — деди даниялик собиқ дарвозабон.
Қайд этиш лозим, манчестерликлар тўққиз мавсум давомида молиявий қоидаларни бузиш билан боғлиқ 115 та ҳолатнинг 114 таси бўйича айбдор деб топилган.
Маълумот ўрнида, Энцо Мареска шогирдлари АПЛнинг олти туридан кейин 18 очко билан турнир жадвалида яққол пешқадамлик қилмоқда.
