«ПСЖ» бош мураббийи Луис Энрике «Олтин тўп» мукофоти атрофидаги мунозаралардан чарчаганини маълум қилди. Ушбу нуфузли соврин учун эълон қилинган 30 нафар номзод рўйхатидан парижликлар жамоасининг 10 нафар футболчиси ўрин олган.
«Мен «Олтин тўп» ҳақидаги гап-сўзлардан чарчадим. Ушбу мукофот бизга насиб этишини истайман. Жамоамизда бу совринга лойиқ футболчилар бор. Ўтган йили энг яхши жамоа сифатида эътироф этилдик. Биз фақат Усмон Дембеле эмас, бошқа футболчиларимиз ҳам бу эътирофга муносиб эканини исботладик. «Олтин тўп» ҳақидаги гаплар жонимга тегди», — дея Энрикенинг сўзларини келтирмоқда Goal портали.
Эслатиб ўтамиз, 2025 йилда «Олтин тўп» мукофотини «ПСЖ» ва Франция миллий жамоаси ҳужумчиси Усмон Дембеле қўлга киритган.
Бу йилги мукофотини топшириш маросими 26 октябр куни Лондонда бўлиб ўтади.
