«Реал» бош мураббийи Жозе Моуринио Чемпионлар лигаси 2-тури доирасида «Рома»га қарши баҳс олдидан ўз фикрларини билдирди.
«Жуда яхши ўйин бўлади. Бошиданоқ Италиянинг энг кучли икки жамоасига қарши баҳс олиб боришимизга тўғри келди. Биринчи ўйинда уч нафар футболчимиз йўқлигига қарамай, уч очкони қўлга киритдик. Энди эса бизни «Рома»га қарши учрашув кутмоқда.
Бу кучли жамоа, Чемпионлар лигасига қайтганидан кейин катта мотивацияга эга. Улар бу ерга футбол томоша қилиш учун эмас, балки ўйнаш учун келишган. Очко олиш учун яхши ўйин кўрсатишимиз керак. Бу муҳим рақиб. Ҳозирча Чемпионлар лигасида кейинги босқичга чиқиш ёки турнирдан чиқиб кетишни ҳал қиладиган босимли палла келгани йўқ. Аммо биз ўзимизга босим ўтказяпмиз. Мақсадимиз ҳам битта. Бу баҳсда ғалаба қозонишни истаймиз», — дея Моуринионинг сўзларидан келтиради AS нашри.
Эслатиб ўтамиз, португалиялик мутахассис 2021 йилдан 2024 йилгача «Рома»ни бошқарган.
