«Галатасарой» бош мураббийи Окан Бурук Чемпионлар лигаси 2-турида «Барселона»дан 1:4 ҳисобида учралган мағлубиятдан сўнг ўз фикрларини билдирди.
«Биринчи бўлимда жуда яхши ўйнадик. «Барселона»га қарши самарали прессинг қўллай олдик ва ҳатто ҳисобда олдинга чиқдик. Аммо танаффусдан кейин рақиб ҳужумда жуда самарали ҳаракат қила бошлади.
Учинчи голни ўтказиб юборганимиздан кейин жамоамизнинг руҳий ҳолати ёмонлашди.
Тан олиш керак, «Барселона» ҳозир ажойиб формада. Жамоада кучли футболчилар бор, асосий таркиб ўйинчилари эса анчадан буён бирга тўп суриб келмоқда. Ҳозир бу ўз самарасини беряпти.
Уларни ғалаба билан табриклайман. Биз эса ўз ўйинимизни янада яхшилашда давом этамиз», — дея Бурукнинг сўзларидан келтиради UEFA матбуот хизмати.
