Serbiyalik himoyachi Strahinya Pavlovich “Milan” rahbariyati bilan hamkorlikni uzaytirish bo‘yicha muvaffaqiyatli muzokaralar olib bordi. Bu haqda jurnalist Janluka Di Marsio o‘z saytida xabar berdi.
Futbolchi yaqin vaqt ichida “rossoneri” bilan 2031-yilgacha mo‘ljallangan shartnomani uzaytiradi.
Eslatib o‘tamiz, 25 yoshli futbolchi 2024-yil yozidan buyon “Milan” klubi sharafini himoya qilib kelmoqda. Uning amaldagi shartnomasi 2028-yil iyun oyi oxirigacha tuzilgan. Futbolchining transfer qiymati 40 million yevroga baholanmoqda.
Pavlovich Italiya chempionatining bu mavsumida oltita uchrashuvda maydonga tushib, uchta sariq kartochka oldi.
Avvalroq “Milan” “Manchester Yunayted” himoyachisi Leni Yoroni 50 mln yevroga sotib olmoqchiligi haqida xabar berilgandi.
