«Inter» Chempionlar Ligasi umumiy bosqichining 2-turida o‘z maydonida «Bryugge»ga 3:4 hisobida mag‘lub bo‘ldi. Shu tariqa, milanliklar Yevropaning eng nufuzli klublar turniridagi muvaffaqiyatsiz seriyasini davom ettirdi.
Milan klubi Yevropa chempionlar kubogi va Chempionlar Ligasi tarixida ilk bor ketma-ket to‘rtta bahsda mag‘lubiyatga uchradi. Jamoa ushbu mavsumdagi turnirni Madridning «Real» klubiga qarshi o‘yindagi mag‘lubiyat bilan boshlagan edi.
Ma’lumot uchun, «Inter» o‘tgan mavsum Chempionlar Ligasi pley-off bosqichining ilk raundidayoq Norvegiyaning «Budyo-Glimt» klubiga ikki bor yutqazib, musobaqani tark etgan.
Eslatib o‘tamiz, «Inter» so‘nggi yillarda ikki marta Chempionlar Ligasi finalida ishtirok etgan.
Muxlislar bu yangilikni Telegram’da muhokama qilmoqda
Izohlar Telegram’da ochiladi