«Barselona» bosh murabbiy Hans-Diter Flik qo‘l ostida navbatdagi yirik g‘alabasini qo‘lga kiritdi. Kataloniyaliklar Chempionlar Ligasi umumiy bosqichining ikkinchi turida «Galatasaroy»ni 4:1 hisobida mag‘lub etdi.
Sports.ru ma’lumotiga ko‘ra, bu Flik boshqaruvidagi «Barselona»ning barcha musobaqalarda o'tkazilgan 127 ta bahsdagi 44-yirik g‘alabasi bo‘ldi. Bunda jamoaning kamida uchta gol farqi bilan qo‘lga kiritgan zafarlari hisobga olingan.
Ma’lumot uchun, Flik qo‘l ostida «Barselona» «Valensiya»ni to‘rt marta, «Atletik», «Malyorka» va «Sevilya»ni esa uch martadan yirik hisobda mag‘lub etgan. Shuningdek, kataloniyaliklar «Real», «Jirona», «Vilyarreal» va «Xetafe» ustidan ikkitadan shunday g‘alabaga erishgan.
Eslatib o‘tamiz, Flik boshqaruvidagi «Barselona»ning eng yirik g‘alabalari qatoriga «Valyadolid» ustidan 7:0, «Nyukasl» ustidan 7:2 hamda «Olimpiakos» ustidan 6:1 hisobidagi zafarlar ham kiradi.
