Madridning «Real» klubi vingeri Vinisius Junior Chempionlar Ligasi doirasida «Roma»ga qarshi kechadigan navbatdagi bahsda asosiy tarkibga qaytishi kutilmoqda. Bu haqda Marca nashri xabar berdi.
26 yoshli braziliyalik futbolchi La Liganing so‘nggi turida «Vilyarreal»ga qarshi bahsni zaxira o‘rindig‘ida boshlagan. U ikkinchi bo‘lim boshida maydonga tushgan, biroq ko‘p o‘tmay qizil kartochka olib, chetlatilgan. Manba ma’lumotiga ko‘ra, «Real» bosh murabbiyi Joze Mourinio Vinisiusni «Roma»ga qarshi o‘yinda asosiy tarkibga kiritishni rejalashtirmoqda. U yakshanba kungi bahsda «Vilyarreal» darvozasiga g‘alaba golini urgan Yan Diomande o‘rnini egallashi mumkin.
Ma’lumot uchun, Vinisius La Ligadagi chetlatish sababli Ispaniya chempionatining navbatdagi ikki yoki uchta bahsini o‘tkazib yuborishi taxmin qilinmoqda.
Eslatib o‘tamiz, «Real» va «Roma» o‘rtasidagi Chempionlar Ligasi bahsi 14-oktyabr kuni bo‘lib o‘tadi. Bellashuv Toshkent vaqti bilan soat 00:00 da boshlanadi.
