Ҳимоячи Роналд Араухонинг «Ливерпул»даги келажаги ҳақида янги маълумот пайдо бўлди. Айни пайтда уругвайлик футболчининг трансфер ҳуқуқи «Барселона»га тегишли бўлиб, инглиз клуби сафида ижара асосида ҳаракат қилмоқда.
Журналист Экрем Конурнинг хабар беришича, келаси ёзда «Ливерпул» Араухони 55 миллион еврога сотиб олиш имкониятини фаоллаштириш керакми ёки йўқлигини ҳал қилиши зарур. Қайд этилишича, ҳимоячининг келажаги Жарелл Куансанинг «Ливерпул»га қайтишига бевосита боғлиқ бўлиши мумкин.
Мерсисайдликлар сафида 27 ёшли Араухо барча мусобақаларни инобатга олганда саккизта ўйинда майдонга тушди ва битта голли узатма етказиб берди.
«Ливерпул» навбатдаги ўйинини бугун, 14 октябр куни ЛАСКга қарши ўтказади. Чемпионлар лигаси умумий босқич 2-тури доирасидаги беллашув Тошкент вақти билан 21:45 да бошланади.
