Лондоннинг «Фулҳэм» клубида бош мураббий Алваро Арбелоанинг ўрнини ким эгаллаши мумкинлиги маълум бўлди.
Topskills Sports UK маълумотига кўра, испаниялик мутахассис истеъфога чиқса, унинг ўрнида «Брентфорд» ва «Тоттенҳэм»нинг собиқ бош мураббийи Томас Франк эгаллаш учун асосий номзод ҳисоблаанди. Шунингдек, номзодлар рўйхатидан «Ипсвич»нинг собиқ устози Киран Маккенна ҳам ўрин олган. Клуб ушбу мутахассислар билан музокарага киришган.
Арбелоа келгуси ўйинда ҳам жамоа билан мағлуб бўлса, шартнома муддатидан олдин бекор бўлиши мумкин.
Маълумот учун, Англия Премер-лигасининг олтита туридан сўнг Лондон клуби атиги икки очко билан турнир жадвалининг сўнгги поғонасини эгаллаб турибди. Кейинги турда улар ўз майдонида «Ҳалл Сити»ни қабул қилади. Учрашув 17 октябр куни Тошкент вақти билан соат 19:00 да бошланади.
