Винисиус 4 ўйинга четлатилди

«Реал» ҳужумчиси Винисиус Жуниор Ла Лига доирасида 4 ўйинга четлатилди.

Испания Қироллик футбол федерацияси (RFEF) интизом қўмитаси томонидан узоқ муддатли дисквалификациянинг сабаблари маълум қилинди. Интизом органининг қарорига кўра, футболчининг жазоси икки алоҳида ҳолат бўйича белгиланган:

— 2 та ўйинга дисквалификация футболчига тўп учун курашдан ташқари ҳолатда «зўравонлик ҳаракатлари» содир этгани учун 130.2-модда асосида берилган. Гап бразилиялик футболчининг «Вилярреал» яримҳимоячиси Нейтан Салибанинг сочидан ушлаб олган эпизоди ҳақида кетмоқда.

— Яна 2 та ўйинга дисквалификация эса қизил карточка кўрсатилганидан кейин бош ҳакамлар бригадасига нисбатан тажовузкор эътирозлар билдиргани ва ҳақоратомуз гаплар айтгани учун 127-модда асосида тайинланган.

Шундай қилиб, Винисиус Испания Ла Лигасида «Севиля», «Барселона», «Расинг» ва «Валенсия» жамоаларига қарши ўйинларда майдонга тушмайди.