Марказий ҳимоячи Фикайо Томори «Милан» клуби раҳбарияти билан янги шартнома борасида келиша олмади. Бу ҳақда италиялик инсайдер Николо Скира хабар берди.
Манбанинг маълумотларига кўра, 28 ёшли англиялик марказий ҳимоячи ва «россонери» ўртасидаги музокаралар берк кўчага кириб қолган. Томори келаси йил ёзда Италия клубини эркин агент сифатида тарк этишга яқинлиги айтилмоқда.
Маълумот учун, Фикайо 2021 йилдан буён «Милан» сафида тўп тепиб келмоқда. Ҳимоячининг актуал трансфер нархи ўн миллион еврога баҳоланмоқда.
Эслатиб ўтамиз, ўтган мавсум Томори А Серия доирасида 33 та беллашувда майдонга тушиб, иккита ассист берди, 6 та сариқ карточка ва 1 та қизил карточка ишлаб олган.
