US Open-2024 финалчиси, жаҳоннинг тўртинчи ракеткаси, америкалик теннисчи Жессика Пегула ва «Катта дубулға» туркумига кирувчи мусобақалар икки карра ғолибаси, жаҳон рейтингининг 5-рақами, америкалик Кори Гауфф яккалик баҳсларида WTA-2026 якуний мусобақасига йўлланмани қўлга киритди.
Таъкидлаб ўтамиз, Пегула ҳам, Гауфф ҳам фаолиятида кетма-кет бешинчи марта якуний турнирда ўйнайди (2022 — 2026 йиллар оралиғида).
Маълумот учун, Гауфф 2024 йилдаги якуний мусобақада ғолиб бўлган. Пегула эса 2023 йил мусобақа финалига етиб борган.
WTA-2026 якуний мусобақаси 8 — 15 ноябр кунлари АҚШнинг Индиан-Уэллс шаҳрида бўлиб ўтади. Ўтган йили якуний мусобақа бош соврини қозоғистонлик теннисчи Елена Рибакинага насиб қилган эди.
