«МЮ» клуб раҳбариятини танқид қилган Лисандрони жазолайди

«Манчестер Юнайтед» ҳимоячиси Лисандро Мартинес клуб раҳбариятини танқид қилгани учун жазоланади. Бу ҳақда The Athletic нашри «МЮ»даги номаълум манбаларга таяниб хабар бермоқда.

Манбаларга кўра, аргентиналик футболчига жарима солиниши муқаррар. Шунингдек, у манкунианликларнинг «Лидс»га қарши навбатдаги ўйинида иштирок этишдан четлатилиши ҳам мумкин. Жамоалар 18 октябр, якшанба куни «Элланд Роуд» стадионида ўзаро баҳс олиб боради.

Эслатиб ўтамиз, ҳимоячи Чемпионлар лигаси умумий босқичининг 2-турида «Атлетико»дан (0:2) учралган мағлубиятдан сўн ўз клубини ушбу мусобақа савиясига мос келмайдиган жамоа деб атаган эди.

Шунингдек, у техник директордан кўпроқ нарса кутганини таъкидлаб, қуйидагиларни айтган: «Сиз мураббийларни доимий равишда алмаштирасиз, аммо бошқалар ҳақида нима дейиш мумкин? Мураббий ва футболчиларни танқид қилиш осон, лекин бошқа масъулларга ҳам эътибор қаратиш керак».