«MYU» klub rahbariyatini tanqid qilgan Lisandroni jazolaydi

«Manchester Yunayted» himoyachisi Lisandro Martines klub rahbariyatini tanqid qilgani uchun jazolanadi. Bu haqda The Athletic nashri «MYU»dagi noma’lum manbalarga tayanib xabar bermoqda.

Manbalarga ko‘ra, argentinalik futbolchiga jarima solinishi muqarrar. Shuningdek, u mankunianliklarning «Lids»ga qarshi navbatdagi o‘yinida ishtirok etishdan chetlatilishi ham mumkin. Jamoalar 18-oktabr, yakshanba kuni «Elland Roud» stadionida o‘zaro bahs olib boradi.

Eslatib o‘tamiz, himoyachi Chempionlar ligasi umumiy bosqichining 2-turida «Atletiko»dan (0:2) uchralgan mag‘lubiyatdan so‘ng o‘z klubini ushbu musobaqa saviyasiga mos kelmaydigan jamoa deb atagan edi.

Shuningdek, u texnik direktordan ko‘proq narsa kutganini ta’kidlab, quyidagilarni aytgan: «Siz murabbiylarni doimiy ravishda almashtirasiz, ammo boshqalar haqida nima deyish mumkin? Murabbiy va futbolchilarni tanqid qilish oson, lekin boshqa mas’ullarga ham e’tibor qaratish kerak».