«Венеция» клуби Давиде Никола билан бош мураббийи этиб тайинланиш бўйича келишувга эришди. Бу ҳақда инсайдер Жанлука Ди Марцио хабар берди.
Қайд этилишича, мутахассис клуб билан 2028 йилга қадар шартнома имзолайжди. Яқин соатлар ичида Никола «Кремонезе» билан шартномасини бекор қилиши ва истеъфога чиқарилган Жованни Строппанинг ўрнини эгаллаши кутилмоқда.
Айни вақтда томонлар зарур ҳужжатларни расмийлаштириш ва келишувнинг сўнгги тафсилотларини мувофиқлаштириш билан банд.
Никола 2025 йилдан буён «Кремонезе»ни бошқариб келаётган эди. Бироқ у жамоани Италия чемпионатининг юқори дивизионида сақлаб қола олмади. Мураббий аввалроқ «Каляри», «Торино» ва «Кротоне» клубларида ҳам ишлаган.
«Венеция» эса Италия чемпионатининг бу мавсумида ҳозирга қадар очко жамғара олмади. Жамоа ўтказилган олтита учрашувнинг барчасида мағлубиятга учради.
