«Марсел» клуби бош мураббийи Бруно Женезио Европа лигаси умумий босқичи 2-туридан ўрин олган «Олимпиакос»га қарши баҳсда (0:1) жамоасининг мағлубиятига изоҳ берди.
«Саккизта ўйин ўтказиб, бор-йўғи иккита ғалаба қозондик. Ҳар бир ўйиндан кейин деярли бир хил нарсани такрорлаш қийин. Бу умидсизликка ва ҳатто ғазабга сабаб бўлади. Кўп нарса, анча кўпроғи керак. Бўлаётган воқеаларнинг изоҳлари ҳам бор. Биз мураббийлар штаби билан бу ерда тўрт ойдан бери ишлаяпмиз ва тезроқ олдинга силжишимиз керак», - дея Женезио Footmercato сўзларини келтиради.
Маълумот учун, мазкур ғалаба туфайли «Олимпиакос» икки ўйиндан кейин максимал 6 очкодан олтитасини қўлга киритди, «Марсел» эса кутилмаганда икки ўйинда бирорта ҳам очко жамғара олмади. Мос равишда Греция вакили 10-ўринни эгаллаб турибди, французлар эса 36 жамоа ичида 32-поғонани банд этган.
Telegram’да биринчи бўлиб фикр билдиринг
Муҳокамага ўтишИзоҳлар Telegram’да очилади