«Реал» ўтган ёз икки нафар машҳур ҳимоячидан воз кечган

Мадриднинг «Реал» клубида марказий ҳимоячи позициясига бир қанча юлдузли номзодларни кўриб чиқишган.

Ўтган ёз «қаймоқранглилар» «Манчестер Сити»дан Рубен Диашга ва Миланнинг «Интер» клубидан Алессандро Бастонига қизиқиш билдирган, деб хабар берди инсайдер Фабрицио Романо.

Якунда клуб португалиялик ва италиялик футболчилар вариантидан воз кечган – уларнинг ўрнига мадридликлар «Ливерпул»ни тарк этгач, эркин агент мақомида бўлган Ибраима Конатени жамоага таклиф қилган.

Эслатиб ўтамиз, Жозе Моуринио бошчилигидаги «қаймоқранглилар» куни кеча сафарда, Италиянинг Рим шаҳрида «Рома» билан баҳсда ремонтада кўрсатиб, 4:3 ҳисобида зафар қучди ва навбатдаги 3 очкони қўлга киритди. Ла Лига мусобақа жадвалида эса клуб 8 турдан кейин 18 очко билан тўртинчи ўринни банд этган. Якшанба куни мадридликлар ўз уйида, «Сантяго Бернабеу» стадионида «Севиля»ни қабул қилади.