«Милан» Ҳатчинсон трансферини эълон қилди

«Ноттингҳэм Форест»нинг ҳужумкор яримҳимоячиси Омари Ҳатчинсон «Милан»га ўтди.

Италия клуби 22 ёшли вингерни сотиб олиш ҳуқуқи билан ижарага олди. Футболчи «Милан»да 20-рақамда тўп тепади.

Даниэле Лонгонинг хабар беришича, «Милан» Ҳатчинсоннинг ижараси учун 3,5 миллион евро тўлайди. Шунингдек, 500 минг евро бонуслар ҳам бор. Футболчини тўлиқ сотиб олиш учун эса 40 миллион евродан ортиқ маблағ талаб этилади.

Омари ўтган мавсумда АПЛда 31 та ўйинда 1 та гол урган ва 5 та голга ассистентлик қилган. У «Арсенал» тарбияланувчиси саналади, «Челси»да ҳам ўйнаган.