Лондоннинг «Тоттенҳэм» клуби «Милан» вингери Кристиан Пулишични ўз сафига қўшиб олмоқчи. Бу ҳақда TEAMtalk хабар берди.
Маълум қилинишича, «тақачилар» 27 ёшли америкалик футболчи бўйича миланликларга таклиф юборган. Ҳозирда жамоа Коди Гакпо трансфери амалга ошмаганидан кейин янги вариантларни изламоқда.
Маълумот ўрнида, Пулишич бу мавсум А Сериядаги икки учрашувнинг бирортасида ҳам майдонга тушмади. Ўтган мавсумда эса у барча мусобақаларда 34 та ўйинда иштирок этиб, 10 та гол урган ва 4 та ассист амалга оширганди.
Пулишичнинг «Милан» билан амалдаги шартномаси 2027 йил ёзига қадар мўлжалланган. Аввалроқ «Манчестер Юнайтед» ва «Астон Вилла» Пулишичга кўз тиккани маълум қилинганди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади