«Атлетико» тез орада канадалик ҳужумчи Жонатан Дэвидни «Ювентус»дан трансфер қилиши мумкин. Бу ҳақда журналист Фабрицио Романо хабар берди.
«Матрасчилар» ҳужумчини ижарага олишга тайёр, аммо унинг маошини тўлиқ ўз зиммасига олишни истамаяпти. «Зебралар» билан музокаралар эса давом этмоқда. Агар барчаси режадагидек кетса, келишув бугун, 31 август куни расман якунланади.
Маълумот ўрнида, Жонатан ўтган мавсум А Серияда 35 та учрашувда майдонга тушиб, 6 та гол урди ва 4 та ассист амалга оширди. Аввалроқ Дэвид фаолиятини Англияда давом эттириши мумкинлиги маълум қилинганди.
