«Галатасарой»нинг янги футболчиси Рафаэл Леау Туркия клубига ўтганидан кейинги илк таассуротлари билан ўртоқлашди ва жамоа билан бирга совринларни қўлга киритишни мақсад қилганини билдирди.
«Галатасарой» июн ойидан буён мени бу ерга олиб келиш учун кўп ҳаракат қилди. Уларга қизиқишлари учун катта раҳмат.
Бу жуда катта клуб. Ўтган мавсумда жамоа чемпион бўлди, мен эса бу ерга кубокларни қўлга киритиш ва мухлисларга ана шу ҳиссиётларни улашиш учун келдим.
Бу ерда аллақачон кучли жамоа бор ва жуда яхши таркиб шаклланмоқда. Мен ҳам унинг муваффақиятларига ўз ҳиссамни қўшмоқчиман.
Мухлисларимизга катта раҳмат. Уларга қувонч улашишни, голларим ва ассистларим билан жамоага ёрдам беришни хоҳлайман. Шунинг учун улар билан бирга эканимдан жуда бахтлиман», — деди Леау клуб матбуот хизматига берган интервюсида.
Маълумот ўрнида, 27 ёшли вингер ўтган мавсум «Милан» сафида 31 учрашувда майдонга тушиб, 10 та гол урди ва 3 та ассист амалга оширди.
