«Галатасарой» «Милан» ҳужумчиси Рафаел Леау трансферини расман эълон қилди. Клуб келишувнинг молиявий тафсилотларини ҳам очиқлади.
Трансфер учун туркияликлар «Милан»га 38 млн евро тўлайди. Шунингдек, италиялик клуб футболчининг кейинги трансферидан олинадиган фойданинг 20 фоизига эга бўлади.
27 ёшли Леау «Галатасарой» билан 2030 йилгача шартнома имзолади. Португалиялик футболчининг кафолатланган йиллик маоши 10 млн еврони ташкил этади.
Леау 2019 йилдан буён «Милан» сафида тўп тепиб келаётган эди. У Италия клуби билан мамлакат чемпионлиги ва Суперкубок соҳибига айланган.
