Нидерландия Қироллик футбол иттифоқи (КНВБ) ФИФА келажаги ва ташкилот президенти Жанни Инфантинонинг фаолияти юзасидан кескин баёнот берди.
Федерация Инфантинонинг раҳбариятига энди ишонмаслигини маълум қилиб, ФИФАнинг ўзи ҳам тизимли ўзгаришларга муҳтож эканини таъкидлади.
«ФИФА келажаги унинг президентидан каттароқ бўлиши керак. КНВБ Жанни Инфантинонинг раҳбариятига энди ишонмайди. Аммо гап фақат бир инсон ҳақида эмас. ФИФАнинг ўзи ўзгариши керак. Кучлироқ бошқарув, катта ижтимоий масъулият ва бутун дунё футболига кўпроқ инвестиция зарур.
Биз 211 та миллий ассоциация ва конфедерацияни биргаликда ФИФА келажагини шакллантиришга чақирамиз. Футбол олами билан биргаликда яратилган глобал кун тартиби керак. Аввал — қарашлар. Кейин — номзод. Суҳбатни бошлаш вақти келди», — дейилади КНВБ баёнотида.
Нидерландия федерацияси мурожаатни «Бизнинг ўйинимиз. Бизнинг ФИФА. Бизнинг келажагимиз» шиори остида эълон қилди.
