«Арсенал» вингери Габриел Мартинелли фаолиятини «Ал Ҳилол»да давом эттиради. Фабрицио Романонинг хабар беришича, томонлар трансфер бўйича оғзаки келишувга эришган.
Битимнинг умумий қиймати бонусларни ҳисобга олган ҳолда 65 млн евродан кўпроқни ташкил этади. Мартинелли «Ал Ҳилол» билан узоқ муддатли шартнома имзолайди.
Бразилиялик футболчи «Арсенал»дан сафарга чиқиш учун рухсат олган ва яқин 24 соат ичида Саудия Арабистонига йўл олиши кутилмоқда.
Шу тариқа, «Ал Ҳилол»нинг Олли Уоткинсдан кейин Мартинеллини ҳам таркибга қўшиб олиш режаси амалга ошишга яқин.
Мухлислар бу янгиликни Telegram’да муҳокама қилмоқда
Изоҳлар Telegram’да очилади