«Ливерпул» ҳимоячиси ва сардори Виржил ван Дейк жамоадоши Коди Гакпонинг клубдан эҳтимолий кетиши ҳақида ўз фикрларини билдириб ўтди.
«Гакпо — юқори савиядаги футболчи. Менимча, биз жамоада сифатли футболчиларни сақлаб қолишимиз керак.
Келгуси бир неча кун ичида нима бўлишини кўрамиз. Мен унинг нафақат юқори савиядаги футболчи бўлгани учун, балки дўстим бўлгани учун ҳам клубда қолишини хоҳлайман.
У биз учун жуда муҳим», — деди ван Дейк. Аввалроқ «Манчестер Сити» Гакпо билан келишувга эришгани маълум қилинганди.
