«Ливерпул» собиқ футболчиси Стивен Жеррард «Ноттингҳэм Форест»га қарши ўйиндан сўнг жамоадаги муаммолар ҳақида фикр билдирди. АПЛнинг 2-туридан ўрин олган «Энфилд»даги учрашув 2:2 ҳисобида якунланди.
«Менимча, «Ливерпул» жуда бўш ўйнаяпти. Жамоага жанговорлик етишмаяпти. Улар тўпни олиб қўйиш учун кам ҳаракат қилишяпти ва яккама-якка курашларнинг кўпчилигида ғалаба қозона олмаяпти.
Жамоа жуда бўш. Мураббий буни ўзгартириши, «Ливерпул» футболчиларини янада агрессивроқ ўйнашга мажбур қилиши керак», — деди Жеррард TNT Sports нашрига берган интервюсида.
Маълумот ўрнида, Англия чемпионатининг янги мавсумида «Ливерпул» икки учрашувда бор-йўғи икки очко жамғарди. Мерсисайдликлар «Нюкасл» (2:2) ва «Ноттингҳэм Форест» (2:2) билан дуранг ўйнади.
