«Челси» бош мураббийи Хаби Алонсо АПЛнинг «Брайтон»га қарши баҳси олдидан Энцо Фернандеснинг жамоани тарк этиши мумкинлиги ҳақидаги саволга жавоб берди.
Аргентиналик футболчи «Манчестер Сити»нинг қизиқиши фонида Лондон клуби қайдномасига киритилмади.
«Биз жамоа учун нима яхшироқ бўлишини баҳолаяпмиз. Бизга жамоанинг диққати бир жойда жамланиши керак», — деди Алонсо.
Фернандес «Челси»нинг кетма-кет иккинчи баҳсида майдонга тушмайди. Аввалроқ у Англия Лига кубогида «Лутон»га қарши учрашув қайдномасидан ҳам жой олмаганди.
Сўнгги кунларда «Манчестер Сити» аргентиналик яримҳимоячи трансферини амалга ошириш бўйича ҳаракатларини кучайтирди. Аввалроқ Энцо Фернандеснинг ўзи ҳам «Сити»га ўтишга тайёр экани ҳақида хабар берилганди.
