«Chelsi» bosh murabbiyi Xabi Alonso APLning «Brayton»ga qarshi bahsi oldidan Enso Fernandesning jamoani tark etishi mumkinligi haqidagi savolga javob berdi.
Argentinalik futbolchi «Manchester Siti»ning qiziqishi fonida London klubi qaydnomasiga kiritilmadi.
«Biz jamoa uchun nima yaxshiroq bo‘lishini baholayapmiz. Bizga jamoaning diqqati bir joyda jamlanishi kerak», — dedi Alonso.
Fernandes «Chelsi»ning ketma-ket ikkinchi bahsida maydonga tushmaydi. Avvalroq u Angliya Liga kubogida «Luton»ga qarshi uchrashuv qaydnomasidan ham joy olmagandi.
So‘nggi kunlarda «Manchester Siti» argentinalik yarimhimoyachi transferini amalga oshirish bo‘yicha harakatlarini kuchaytirdi. Avvalroq Enso Fernandesning o‘zi ham «Siti»ga o‘tishga tayyor ekani haqida xabar berilgandi.
