«Галатасарой» «Милан» ҳужумчиси Рафаел Леау билан музокаралар олиб борилаётганини маълум қилди. Туркия клуби ижтимоий тармоқдаги саҳифасида португалиялик футболчи жамоа шарфи билан мухлисларга мурожаат қилган видеони ҳам эълон қилди.
«Салом, «Галатасарой»нинг буюк мухлислари», — деди Леау.
Маълумот учун, аввалроқ ОАВ «Галатасарой» 27 ёшли португалиялик футболчи учун «Милан»га 44 млн евро тўлаши ва унинг келажакдаги трансферидан 20 фоиз улуш бериши ҳақида хабар қилганди.
Ўтган мавсумда Леау барча турнирларда 31 та баҳсда иштирок этиб, 10 та гол ва 3 та ассист қайд этди. Тransfermarkt футболчининг қийматини 50 млн еврога баҳолаган.
