«Реал» «Расинг Сантандер»нинг 19 ёшли футболчиси Серхио Мартинес трансфери бўйича келишувга эришди. Фабрицио Романонинг хабар беришича, битим қиймати 3 млн еврони ташкил этади.
Мартинес дарҳол «Реал» сафига қўшилади ва «Расинг Сантандер»да ижара асосида қолмайди. Футболчи Мадрид клуби билан 2030 йилгача мўлжалланган шартнома имзолайди.
Серхио Мартинесга Англия, Германия ва Саудия Арабистони клубларидан ҳам таклифлар бўлган, бироқ у «Реал»га ўтишни танлаган.
