«Ливерпул» ҳужумчиси Александр Исак «Ноттингҳэм Форест»га қарши 2:2 ҳисобидаги баҳсдан сўнг жамоанинг янги бош мураббийи Андони Ираола билан ҳамкорлиги ҳақида фикр билдирди.
«Ҳаммаси яхши кетмоқда. Янги услубга мослашиш учун доимо вақт керак. Мураббий биздан талаб қилаётган футболни намойиш этиш учун астойдил ишлаяпмиз. Унинг ғояларини майдонда яхшироқ амалга ошира бошласак, натижалар ҳам кўп куттирмаслигига шубҳам йўқ», — деди Исак ТNТ Sports нашрига.
Исак «Ноттингҳэм Форест»га қарши баҳснинг 60-дақиқасида гол урди.
«Охир-оқибат, менинг вазифам — гол уриш. Биринчи голимни урганимдан жуда хурсандман. Ҳар бир ҳужумчи ўзи майдонга тушган ҳар бир баҳсда гол уришни хоҳлайди», — деди швециялик футболчи.
Маълумот учун, ушбу баҳсдан сўнг «Ливерпул» 2 очко билан 10-ўринда, «Ноттингҳэм Форест» эса 1 очко билан 12-ўринда бормоқда.
