Полшанинг Познан шаҳрида байдарка ва каноэда эшкак эшиш бўйича жаҳон чемпионати давом этмоқда.
Аёллар ўртасидаги 200 метр масофага жуфтлик каноэ дастурида Шоҳсанам Шерзодова ва Нилуфар Зокирова маррага иккинчи бўлиб етиб келиб, кумуш медални қўлга киритди.
Бу Ўзбекистон миллий жамоасининг мазкур жаҳон чемпионатидаги иккинчи медали бўлди. Эслатиб ўтамиз, кеча эркаклар ўртасидаги 200 метр масофага яккалик каноэ дастурида Артур Гулиев ҳам кумуш медални қўлга киритганди.
