Polshaning Poznan shahrida baydarka va kanoeda eshkak eshish bo‘yicha jahon chempionati davom etmoqda.
Ayollar o‘rtasidagi 200 metr masofaga juftlik kanoe dasturida Shohsanam Sherzodova va Nilufar Zokirova marraga ikkinchi bo‘lib yetib kelib, kumush medalni qo‘lga kiritdi.
Bu O‘zbekiston milliy jamoasining mazkur jahon chempionatidagi ikkinchi medali bo‘ldi. Eslatib o‘tamiz, kecha erkaklar o‘rtasidagi 200 metr masofaga yakkalik kanoe dasturida Artur Guliyev ham kumush medalni qo‘lga kiritgandi.
