«Ливерпул» клуби ва Англия миллий жамоасининг собиқ футболчиси Стивен Жеррард клубга ушбу трансфер ойнасида янги таянч яримҳимоячи олишни тавсия қилди.
«Сўнгги пайтларда, айниқса, «Нюкасл» билан ўйиндан кейинги ҳафтада эътибор кам қаратилган бир позиция бор. Менимча, уларга «олтилик» позициясида ихтисослашган футболчи керак.
Балки мураббийнинг жамоа қандай кўринишда бўлиши ва унинг фалсафаси борасида бошқа қарашлари бордир. Аммо мен таркибда Фабинио кетганидан бери жамоанинг асосий таянч қисмининг муҳим бўлаги бўладиган, марказни назорат қиладиган ва рақиб ҳужумларини бузадиган футболчи етишмаяпти, деб ўйлайман.
Менимча, бундай футболчи жамоага жуда етишмаяпти ва ҳозир уларда бу позициянинг мутахассиси йўқ. Бу Доминик Собослаи, Раян Гравенберх ва Алексис Мак Аллистер каби футболчиларга ҳужумларга қўшилиш ва ҳимояни мустаҳкамлаш имконини беради. Менимча, уларга айнан шундай футболчи жуда керак», — деди Жеррард ТNТ Sports нашрига.
