«Ливерпул» бош мураббийи Андони Ираола АПЛ 2-турида «Ноттингҳэм Форест» билан 2:2 ҳисобидаги дурангдан сўнг учрашув ҳақида фикр билдирди.
«Бу биз хоҳлаган натижа эмас. Биз икки хил тайм ўтказдик. Биринчи бўлимда ёмон ўйнадик. Уларнинг голи борасида бироз омадимиз келмади — бу VAR текширган офсайдга яқин эпизод эди. Шу билан бирга, бизнинг голимиз ҳам кичик офсайддан сўнг урилди», — деди Ираола Sky Sports нашрига.
Ираола 32-дақиқада Флориан Вирцнинг бекор қилинган голига ишора қилган. VAR футболчида офсайд ҳолатини аниқлаган.
«Иккинчи бўлимда анча юқори шиддатда ўйнадик ва рақиб дарвозасига кўпроқ хавф туғдира бошладик. Иккинчи бўлимдан мамнунман, аммо ғалаба қозониш учун жуда кеч фаоллашдик», — деди «Ливерпул» бош мураббийи.
Маълумот учун, «Ливерпул» 2 очко билан турнир жадвалида 10-ўринда бормоқда. Жамоа навбатдаги баҳсини 4 сентябр куни «Ипсвич»га қарши ўтказади.
