«Милан» «Галатасарой»нинг ҳужумчи Рафаел Леау трансфери бўйича таклифини қабул қилди. Давид Орнштейн хабарига кўра, Истанбул клуби португалиялик футболчи учун 45 млн евро тўлайди.
Энди якуний қарорни Леаунинг ўзи қабул қилиши керак. «Галатасарой» футболчига солиқлар чегирилганидан кейин йилига 10 12 млн евро маош таклиф қилмоқда. Ҳозирча ҳужумчи трансферга розилик бермаган.
Леауга «Астон Вилла» ҳам даъвогарлик қилмоқда. Инглиз клуби футболчини ижарага олиб, кейинчалик мажбурий сотиб олиш вариантини муҳокама қилмоқда. «Милан» эса футболчини ҳозироқ сотишни маъқул кўрмоқда.
Маълумот учун, Леау «Милан» сафида 2019 йилдан бери тўп тепмоқда. У Италия клубига «Лилл»дан кўчиб ўтганди.
