«Милан» бош мураббийи Рубен Аморим А Сериянинг 2-турида «Венеция»га қарши баҳс олдидан жамоа олдидаги мақсадлари ҳақида гапирди.
«Бу алоҳида кун бўлади. «Милан» мураббийи сифатида масъулиятни ҳис қиляпман, аммо «Сан Сиро»га илк ташрифимдан завқ олишга ҳаракат қиламан.
Қийин баҳсни кутяпман. Улар бутун майдон бўйлаб индивидуал қўриқлашдан фойдаланишади. Биз яхши прессинг қилишимиз, кўп югуришимиз ва тўп билан оқилона муомала қилишимиз керак. Бунда ақл ва камтарликни намоён этиш муҳим.
Биз ўйин даражасини кескин пасайтирмасдан ўйнашимиз, барқарорликка эришишимиз керак. Ривожланишимиз учун вақт зарур. Бу ҳафта яхши ишладик, футболчиларнинг катта иштиёқ билан меҳнат қилаётганини кўряпман.
Жамоага барқарорлик керак. Ҳар бир футболчи бутун мавсум давомида жараённинг бир қисми бўлиши учун механизмларни яратишимиз лозим. Биз А Серияда ҳам, Европада ҳам доимо рақобатбардош бўлишни истаймиз. Мақсад совринларни қўлга киритиш. Бунинг учун футболчиларни алмаштира олишимиз керак.
Концентрация мен учун жуда муҳим. Катта ўйинларда майда деталларга эътибор бериб, нисбатан осон деб ҳисобланадиган рақибларга қарши шу даражада эътибор қаратмаслигимиз мумкин эмас. Биз ҳар доим кейинги рақибимизни дунёдаги энг кучли жамоа деб билишимиз керак. Муваффақият калити — камтарлик. Мағлубиятлар бўлиши мумкин, аммо улар фақат рақибимиз биздан яхшироқ бўлган тақдирдагина юз бериши керак», — деди португалиялик мутахассис.
Мухлислар бу янгиликни Telegram’да муҳокама қилмоқда
Изоҳлар Telegram’да очилади