Аргентина миллий жамоасига сентябрь ойида Хитойда ўртоқлик учрашувлари ўтказиш таклифи тушган. Бу ҳақда ESPN Argentina хабар берди.
Хитойлик ташкилотчиларнинг дастлабки таклифи рад этилган, чунки улар учрашувда Лионел Мессининг мажбурий иштирок этишини талаб қилган. Қайд этилишича, музокаралар қайта бошланган, аммо 39 ёшли футболчининг иштирок этиш масаласи ҳали ҳам очиқ қолмоқда.
Маълум қилинишича, Аргентина 30 сентябр куни Хитойда Ўзбекистон миллий жамоасига қарши ўртоқлик учрашуви ўтказиши мумкин. Иккинчи эҳтимолий рақиб ҳозирча аниқланмаган.
Эслатиб ўтамиз, 2026 йилги жаҳон чемпионатида Аргентина финалга қадар етиб бориб, ҳал қилувчи баҳсда Испанияга қўшимча вақтда 0:1 ҳисобида мағлуб бўлган.
Мухлислар бу янгиликни Telegram’да муҳокама қилмоқда
Изоҳлар Telegram’да очилади