Италиянинг «Комо» клуби ҳужумчиси Алваро Мората фаолиятини «Леганес»да давом эттириши мумкин. Бу ҳақда журналист Фабрицио Романо хабар берди.
Сегунда вакили 33 ёшли футболчини ижарага олиш арафасида. Келишувни расмийлаштириш учун айрим тафсилотларни келишиб олиш қолган, холос.
Маълумот ўрнида, «Леганес» ўтган мавсум Испаниянинг иккинчи даражали дивизионида 16-ўринни эгаллаган. Бу мавсумда эса жамоа икки турдан сўнг 4 очко жамғарган.
Қайд этиш лозим, Алваро «Комо» билан 2029 йилга қадар шартнома тузган. Transfermarkt портали футболчининг айни вақтдаги нархини 6 миллион евро деб баҳоламоқда.
Аввалроқ Мората фаолиятини MLSда давом эттириши мумкинлиги маълум қилинганди.
