«Комо» бош мураббийи Сеск Фабрегас А Серия 1-турида «Удинезе»га қарши ўтказилган баҳсдан сўнг рақибнинг имкониятларига юқори баҳо берди.
Удине шаҳрида кечган баҳс 1:1 ҳисобидаги дуранг билан якунланди. Фабрегас мезбонларнинг жисмоний тайёргарлиги ва ўзига хос ўйин услубини алоҳида таъкидлади.
«Удинезе» — Премер-лига даражасидаги жамоа. Улар жисмоний жиҳатдан жуда кучли, тўхтовсиз югуришади. Ўзларининг ўйин услублари бор. Бу йил Удинеда уларга қарши кам жамоа ғалаба қозона олади», — деди Фабрегас.
Эслатиб ўтамиз, «Удинезе» ўтган мавсумни 50 очко билан 10-ўринда якунлаган.
А Сериянинг 2-турида «Комо» сафарда «Наполи» билан, «Удинезе» эса «Монца» билан баҳс олиб боради.
