«ПСЖ» бош мураббийи Луис Энрике ёзги трансфер ойнасида «Барселона»дан харид қилинган Ферран Торреснинг ўйинидан норози. Sport.fr нашри хабарига кўра, испаниялик ҳужумчи аллақачон клубни тарк этиши мумкин бўлган футболчилар рўйхатига киритилган.
Манбага кўра, Энрикенинг футболчига нисбатан сабр косаси тўлган. Мураббий ундан кўпроқ гол уриш ва жамоавий ўйинда фаолроқ иштирок этишни кутган. Торреснинг «Барселона»га қайтиши ҳам муҳокама қилинган, бироқ каталонияликлар уни ортга қайтариш учун ҳозирча ҳеч қандай қадам ташламаяпти.
Шунингдек, «ПСЖ» Торресни «Комо» яримҳимоячиси Нико Пасни харид қилиш бўйича келишувга қўшиши мумкин. Парижликлар 60 миллион евро ва испаниялик ҳужумчини ўз ичига олган таклифни кўриб чиқмоқда.
Маълумот учун, Нико Пас айни вақтда Италиянинг «Комо» клубида тўп тепмоқда.
Мухлислар бу янгиликни Telegram’да муҳокама қилмоқда
Изоҳлар Telegram’да очилади